又一次人像攝影
又再一次試影人像，不過今次model是karen，而地點是屋企，試下影下都有ok的照片。
器材：Olympus E-520 + OLYMPUS ZUIKO ED 40-150mm F4.0-5.6 + Metz Flash 54MZ-3 + Metz Flash 44MZ-2
模特兒：Karen
難題
尋日收到個上級打來問的問題，以下是內容大意﹕
上級﹕「我想知道那個宣傳用的PowerPoint需多少時間播放?」
我﹕「mm…幾長時間?」
上級﹕「即係咩都唔講一直播要幾多時間…」
我﹕「mm…」
上級﹕「因為下個月有個宣傳活動，對方話整個活動俾個半鐘我地，所以我想話俾老細知叫佢準備多少分鐘….」
我﹕「唔係話老細會一路播PowerPoint一路介紹咩?」
上級﹕「 係呀…所以我想知會播幾耐。」
我﹕「要幾耐? 好睇老細會講幾多野… 等我check check先… 個PowerPoint有88頁，妳可以同老細講有88頁就ok了」
上級﹕「嘩… 咁多頁… 咁即係要幾耐?」
我﹕「mm… 因為個PowerPoint內有好多都係照片，可以一秒鐘播一頁都得
上級﹕「咁即係88秒…」
我﹕「…不過如果想大家睇得舒服d，一頁PowerPoint出5秒左右啦…妳預5-10分鐘啦…」
上級﹕「5-10分鐘… 我驚唔夠時間…」
我﹕「咁好睇老細講得快定慢，最多咪飛幾頁啦….」
上級﹕「好啦好啦…byebye」
我﹕「bye」
究竟88頁PowerPoint要播幾多分鐘呢?? 對一個不知PowerPoint為何物的人來說實在難以明白… 但對一個知道如何使用PowerPoint的我來說，這個問題實在太難。
容易又好味的牛肉燕麥粥
上次跟《So Good!》學整豉油雞，今次就跟有線電視節目《肥媽私房菜》整一個容易得來好味、好味得來又有營養的牛肉燕麥粥。
1. 材料主要是牛肉及燕麥，再加上調味料胡椒粉、糖、鹽、油、生粉及蔥
2. 先將牛肉切粒 (原先肥媽教用免治牛肉，不過超市冇得賣，而肥媽又話喜歡咩肉都可以，所以最後用牛肉粒)
3. 再用調味料胡椒粉、糖、鹽、油及生粉醃一醃備用
4. 然後凍水落燕麥煮滾
5. 其間加上鹽及胡椒粉
6. 燕麥滾起時加上牛肉
7. 加上蔥粒完成
令人失望的拉麵店
荃灣荃新天地(City Walk)可算是將荃灣市中心轉移的一個開始，但商店的種類令我懷疑它能否像對面中低價消費的荃灣廣場般旺場。
來到荃灣，除了我最喜愛的魚鱻魚湯米線外，也要試試其他食店。荃新天地比較特別，單是日式拉麵店就有三間，同時位於地下位置，而我們就選擇了這間康竜九州拉麵 (Kouryu Ramen)。
還以為星期日晚會大排長龍，幸好來到就有位。我們兩人點了吉列魚柳芝麻拉麵及日式咖哩雞飯，原本想多點一款小食，但看了餐牌一次又一次，也找不到一些合適小食，還是留個肚食甜品好了。
先來這個吉列魚柳芝麻拉麵，拉麵外觀很是吸引，但旁邊那三塊魚柳就不太令我滿意，三塊魚柳其中一塊的體積明顯少了”兩個碼”，顏色也比另外兩塊更深色，實在很難令人相信它會是美味的。結果，魚柳確實難食，除了毫無味道的魚柳外，”吉列”外層是脆還是硬更是難以分別，幸好拉麵湯底香濃，雖然令我聯想起日本即食麵，但相信它是真材實料的。
吉列魚柳芝麻拉麵 (其中一塊魚柳明顯縮了水)
再來日式咖哩雞飯，份量明顯多了不少，脆雞的件數也令我感覺合理，可惜雞件同樣過火了，硬得來失去了原有的肉汁 (還是回味上次於德福手作拉麵店的照燒雞排，香味四溢…)，而那個日式咖哩汁… 還是算吧。
- 64 歲 的 程 女 士 表 示 ， 用 了 畢 生 積 蓄 的 棺 材 本 購 買 100 萬 元 雷 曼 ELN ， 「 我 唔 識 英 文 ， 5 分 鐘 就 簽 咗 名 。 」
- 年 屆 85 歲 的 郭 先 生 哭 訴 被 職 員 誤 導 下 ， 分 四 次 購 買 雷 曼 迷 你 債 券 及 掛 鈎 票 據 共 350 萬 元 ， 「 介 紹 同 埋 簽 名 嗰 陣 都 係 得 我 一 個 人 ， 我 乜 嘢 都 唔 知 ， 佢 凈 係 話 同 定 期 差 唔 多 ， 好 安 全 ， 點 知 發 生 咁 嘅 事 … 嗚 … 嗚 」
我只想說，很多人願意花不少時間來回不同超級市場為的找尋便宜一元幾毫的平宜貨，但原來還有不少人只需花幾分鐘時間將自己畢生的積蓄購買一樣完全唔熟悉的貨品…
第一次製作豉油雞
豉油雞吃得多，也極之喜愛，但一直沒想過原來製作過程並非想像中困難…
前陣子看了《蘇Good!》(雖然我還是喜歡從前的《一粒鐘真人蘇》)，其中一集介紹我最喜愛的豉油雞，原來材料除了雞之外就只有生抽、老抽、片糖、水、薑、蔥及玫瑰露酒…昨天假期又好心情，當然要試試電視介紹的烹煮方式製作一隻鼓油雞。
第一次試驗作，當然不會買最好的材料，雞…當然是比較平宜的冰鮮雞，$26，約一斤…化算。還以為鼓油雞最貴的材料就是雞，原來最貴的是玫瑰露酒，在超級市場看到綠色樽身的要$46-58…比那隻冰鮮雞還要貴一倍..幸好最後在一冰鮮食品超級市場找到由他們代理的玫瑰露酒，只需$13 一大樽… 更化算。
材料準備好就跟著電視步驟慢慢來，最後得出來的成果當然不算滿分，但絕對合格有餘。
快將完成時的情況
沒有用刀慢慢切，只用剪骨刀處理，放上碟上有點亂。
